我Apple姐幾時都教啲後生仔，唔好憑一個人嘅出身，去斷定人嘅品味。嗱！唔一定係鬼佬或者半唐番先識享受歎世界㗎。 高談闊論 上個禮拜，我同班姊妹喺中環一間酒店歎茶，就見到「新界地王」劉皇發。發叔同一個商界嘅朋友，坐喺最角落嘅位置，佢不時叼住口雪茄，喺度高談闊論，成個大班咁款。 呢個情景同佢抱住個孫仔喺牛棚睇牛牛，完全係第二個樣。所以話呢，一個人真係可以有唔同形象㗎。