立法會議員劉千石有一支「民情探熱針」，日日都有機會探吓市民關心緊啲乜嘢。因為出身草根嘅阿石，成日都搭地鐵，佢知名度同受歡迎程度都相當高，市民當然認得佢，於是就搵佢傾吓偈。
噚日阿石去中環義賣，幫公民及政治權利基金籌款對抗二十三條立法。見到啲中環人相當踴躍捐款，阿石一啲都唔意外，因為佢話呢排喺地鐵同啲市民傾偈，話題都離唔開二十三條，甚至有人同佢講，咁多年都冇諗過移民，今次真係要諗。
阿石同市民好傾，同特首就冇得傾，原本噚日「石人忠風」四個人去見阿董，但佢哋齊齊失蹤，八方問阿石乜嘢原因，佢話原來之前職工盟約老董，佢老人家話唔得閒，但轉過頭就有時間見工聯會、勞聯，阿石話要見就要先用工會名義見，唔係就無謂見喇！
傳真︰2623-9278
電郵︰