康樂文化事務署署長梁世華下個月就退休，佢噚日特登喺藝術館嘅露天茶座搞咗一個茶敍，向各傳媒友好道別。提到退休後嘅生活，佢話最開心就係回復自由身，退休後第一件事就會去以前做駐東京經濟貿易首席代表嘅日本，同以前班同事道別。
梁世華七一年加入政府，曾任職前政務總署副署長（香港及九龍）、副公務員事務司、前文康廣播科副文康廣播司、公務員薪俸及服務條件常務委員會秘書長及副運輸司等多個職位。即將結束三十一年半嘅公僕生涯，佢話始終最開心都係喺現時嘅康文署，尤其佢覺得接手兩個市政局剩低嘅工作有唔錯成績，令佢更欣慰。
傳真︰2623-9278
電郵︰