【本報訊】領取綜援獨力照顧子女的單親母親黃女士，早前獲批法援向前夫追討贍養費得直，可獲二十五萬元贍養費。但贍養費仍未到手，已收到通知必須支付為數高達三十二萬元的律師費，差額會由法援署支付，黃女士變相「食白果」。有立法會議員質疑：「有唔少法援受助人，係贏咗都要攞超過半數賠款出嚟畀律師費，法援署同負責嘅外判律師都可能有出錯。」
黃女士花了近兩年時間申請法援，並成功向前夫追討二十五萬元的贍養費，以為可以減輕獨力照顧子女的重擔，但結果卻令她寢食難安。她向法援署申訴不得要領，於是向立法會議員鄭家富求助，昨早更致電商台節目《風波裡的茶杯》吐苦水。
她說：「初時我以為只係畀幾萬蚊堂費，律師費係由法律援助署幫我畀，但係𠵱家我收到信，話要收我三十二萬幾律師費，我感到彷徨無助。」
立法會議員鄭家富表示：「初步睇嚟法援署同外判律師雙方面都有責任，律師要澄清當時有無向受助人解釋清楚要畀咁多律師費。即使當時受助人接受，法援署都無理由畀佢接受，因為最後會由公帑支付多出嘅律師費。」
他又稱：「我知道有唔少個案係贏咗官司，但係要攞一半錢出嚟畀律師費。法援署作為幫貧苦大眾爭取法理公道，好應該有完善嘅監管，唔好畀律師因為做成單生意，而令受助人響正常嘅法律經費上，受到額外嘅壓力。」
法援署助理首席法律援助律師鄭秀雲在節目中解釋，任何法援受助人獲勝訴都要自行支付訴訟費用，通常律師也會替受助人爭取由對方支付律師費，她強調會跟進黃女士的個案。