總理朱鎔基旋風式訪港，時間雖短，但言論就十分出位，正如佢離港前所講，有人話佢今次來港係為特區打氣，為挺董。老董乃北京欽點嘅，挺董係必然㗎啦，但係八方聽聞，唔少國際級嘅經濟分析員，對於朱總公開點名批中銀國際嘅何綽越覺得好離譜，影響好壞。
原來佢哋呢行有行規，就係要建立地位，必須不受政治干預，否則邊個敢信你嘅分析報告？如此一來，朱總一句話，中銀國際分析研究部大可收檔。
講到底，今次中央安排老朱落任前訪港必定有因，八方前幾日碰到籌辦大會負責人黃匡源，點解咁威請到朱總，佢話功勞全歸方黃吉雯（圖），咦？小吉原來係呢場大騷嘅主人家，八方重日日話佢係攝石人，真係唔好意思。
傳真︰2623-9278
電郵︰