陳日君（圖）真不愧為反叛主教，佢為反對《基本法》二十三條立法，日日走到前台，同保安局局長葉劉淑儀正面交鋒，重大罵有人犯了第八宗罪，亂扣反立法人士帽子，分裂中國人嘅心，製造恐慌。
陳主教真係一個坐言起行嘅人，原來佢唔只站在前台，重不斷為教友打氣。上個星期日，天主教正義和平委員會喺天水圍一間教堂舉行二十三條論壇，忽然有一位長者進入會場，重好安然咁坐喺台下，睇清楚，原來係陳主教，於是大家就想請佢發表吓意見，點知佢話已然講咗好多，今次嚟只講一句，就係為天主教和平委員會感到驕傲。呢一句說話就經已令軍心大振，主教嘅力量真係不可小看，講到自由民主咁大件事，大家都責無旁貸，香港還有點希望。
傳真︰2623-9278
電郵︰