「我失業個幾月，一向無積蓄，𠵱家手頭上剩得幾十蚊，無辦法交十一月份租金，就快同對仔女食飯都無錢，真係好困難！」單親媽媽趙女士苦着臉向記者訴說。
三十二歲的趙女士，早前與丈夫仳離，自此獨力撫養兩名現年分別五歲及十歲大子女，她靠從事電話接線生勉強維持家計，生活清苦。可是其任職的公司近月突然結業，趙女士無奈加入失業大軍，至今仍未覓得工作，經濟非常緊絀，目前缺錢支付已到期的屋租，面臨三餐不繼。
「我已經好努力搵工，周圍問啲餐廳同舖頭請唔請人，但都無着落。上個禮拜我重扭傷隻右腳，嗰日我去超級市場買乾糧，一行出舖頭就跣低，跌到隻右腳腳踭又紅又腫，搞到𠵱家無辦法接送仔女返學放學，更加去唔到搵工。」趙女士離婚後與子女租住舊樓天台屋，出入需徒步七層樓梯，居住環境惡劣。
「屋企窮，對仔女好多時食唔飽着唔暖，但佢哋好乖好聽話，尤其係大仔，佢每日放學返嚟都自動自覺做功課、溫習，讀書成績幾好，上學期重考到全級第五名。兩個仔女係我最大同唯一嘅安慰。」
刻下，趙女士急需籌錢應付屋租及膳食開支，蘋果日報慈善基金了解她的苦況後，即時撥款三千元，助她支付欠交的一個月租金，應付短暫生活急需。
捐款編號：C0756
暖流熱線
電話：29908688
傳真：23702192
電郵：
網址：