港區人大代表星期五就預選，政界焦點唔係個結果，亦唔係三個民主黨同埋張炳良入唔入到預選，而係佢哋可以攞到幾多票。親中人士同八方講，民主派幾個輸就輸梗，左派陣營估佢哋都係攞八十到一百票咁上下，若果少過一百票，即係民主派有人唔投佢哋，但若果多過一百票就大件事，即係「自己友」入面有人倒戈。
八方有次同張炳良傾開，佢話今次攞到十幾個提名，行出第一步，佢都心滿意足，並冇乜大期望可以入到五十四人名單。佢又話喺交表之後，重有十個八個朋友畀提名表佢，真係好感謝，而提名佢嘅就包括有陳智思同陳炳煥。佢又同八方講原來選人大都好貴，一份參選書仔成本成十蚊，唔計人工，淨係寄畀九百幾個選委，已經要成萬蚊，再加埋今次又冇選舉上限，對佢哋真係唔係好公道。
傳真︰2623-9278
電郵︰