「香港賽馬會做埋賭波大莊家，賭波嘅人只會愈來愈多。外圍集團同澳門賭波公司肯定唔使死，繼續有得玩。」熟識中港澳三地外圍賭博集團人士相信，賭波合法化後，港澳兩地賭波陣營，會展開一輪「攻防戰」。
他指出，目前澳門賭波公司抽取賭客投注金額一成半作利潤，而外圍賭波大莊家則抽取5%。香港賽馬會若成為合法賭波的經營者，要搶走前兩者的客源，要將大部份投注額作派彩，「肯定冇乜肉食。」
他解釋，若香港賽馬會只接受現金投注，外圍賭波集團可以賭口數，每周一及周四與賭客「對數」。馬會接獲的注額愈多，自然要調低派彩減少風險，但賭客會留意不同外圍集團的賠率變化，投注派彩較高的外圍集團。
現時全球各地每周約有一百場足球賽，據了解，澳門賭波公司平均每場投注額約有五百至六百萬元，每月約有二十至二十四億元。他估計，香港推出合法賭波，有助推動賭波活動，賭波人數增加，外圍集團更可間接得益。
本報記者