美國前總統克林頓成日周圍演講𢱑真銀，不過同人唔同命，佢做總統時嘅拍檔戈爾，上周經香港去咗深圳，參加一個論壇，惹來一班美國佬竊竊私語。
戈爾今次係去參加一個叫做「第三屆全球腦庫」嘅論壇，美國前聯儲局主席沃爾克、菲律賓前總統拉莫斯同多國智囊機構、商業精英都有出席。點解戈爾去就有問題？有美國佬同八方講，戈爾身份有啲尷尬，雖然係前任副總統，但佢一直有意參選○四年嘅總統大選，以報布殊嘅一箭之仇，喺美國嘅民主黨內，戈爾暫時出戰機會亦係最高。呢個論壇由內地嘅深圳商報、華僑城集團、中國國際經濟技術交流中心等主辦，聽講重資助埋戈爾嘅路費。你諗吓，美國未來總統曾接受共產黨資助，成何體統？
傳真︰2623-9278
電郵︰