前工商局局長Brian周德熙自從掛冠不幹已經有一段時間，但重未能夠適應。八方都同意，退休生活係一門專門學問，需要花啲時間學習。話說有一日，周兄嘅醫生發現佢老哥心律有啲不正常，認為值得關注，於是為安全起見，周太Ada決定陪老公入院檢查，必要時馬上做手術。
八方聽到咁大陣仗都唔敢亂講嘢，怕周兄真係有事，到咗入院後第二日，八方致電周家，想探聽吓情況，然後先去醫院探佢，點知聽電話嘅竟然係Brian自己。咦，唔通現代醫術真係咁高明，即日可出院？
原來經醫生詳細檢查後，發覺周兄嘅身體不知幾好，個心並冇問題，真係唔好信晒啲儀器，有時先進儀器都唔係咁準確，搞到佢同Ada虛驚一場。
其實，所謂「塞翁失馬，焉知非福」，周兄嘅舊同事都認為佢退得啱時間，咁嘅時局，真係唔做好過做。
傳真︰2623-9278
電郵︰