噚日香港糖尿聯會有架據講係全球首創、價值成一百二十萬港幣嘅流動專車投入服務，為市民免費檢查糖尿病。雖然係威水嘢，但本地大多數傳媒對呢單新聞似乎都冇乜在意，反而新華社就派咗記者去採訪，重影咗輯靚相發通街。八方睇到輯相時好驚奇，因為想唔到𠵱家嘅新華社記者同我哋香港記者一樣，都識得專揀靚女做主角，重係愈來愈性感㖭，完全冇以前嘅八股味道。睇嚟，潮流興與時並進，國內嘅官方傳媒不甘後人，可喜可賀。
順便提一句，邊位記者咁有時代眼光？睇真啲，個名好熟悉，原來佢叫「李鵬」。
（圖）性感女郎也成為了新華社記者的鏡頭焦點。
傳真︰2623-9278
電郵︰