社署署長林鄭月娥，上個禮拜幫一個有關露宿者嘅攝影展剪綵，原來佢重喺兩年前親身去觀察露宿者流落喺街頭嘅情況。無數露宿者背後都有一段辛酸嘅往事，令佢感受不少有血有淚嘅故事。
娥姐嗰次同班社工深宵走遍尖沙嘴文化中心、大角嘴天橋底同維園等露宿者集中嘅地方，其中喺維園瞓嘅一對中年兄弟，原來係裝修判頭，因為經濟唔好，上判又拖數。兩兄弟用咗自己嘅所有積蓄出糧畀啲工人，於是自己就變得一貧如洗；細佬將老婆同個仔寄住喺親戚屋企，兩兄弟就瞓維園方便搵散工。
娥姐問佢哋點解唔攞綜援，佢哋話，都係將綜援留番畀啲無工作能力嘅老弱傷殘。搞到娥姐個心有啲戚戚然。至於同娥姐時有接觸嘅社工中，基督教關懷無家者協會嘅賴淑芬，雖然賴淑芬已做了媽媽，需要照顧孩子，但佢仍然喺深宵跑去探望露宿者，令娥姐鬼感動。
傳真︰2623-9278
電郵︰