朱鎔基總理上周來港，罕有地公開批評中銀國際關於聯繫滙率嘅報告，隨即傳出負責撰寫該報告的研究部阿頭何綽越請辭。八方上周末同一名知情人士閒話家常，佢話聯滙事件只係冰山一角，CY（何之洋名）數度觸犯國內官場大忌，所以佢喺朱總上周二開腔前一日，其實已黯然辭職。
知情人士話，早兩個月，內地傳出李鵬的親信、國家電力公司總經理高嚴因涉及貪污被捕，搞到電力股係咁跌。中銀國際隨即發表報告，指出被捕嘅係高嚴前秘書而非高嚴本人，但報告又指國家電力改革方案比預計遲。報告雖然有助澄清市場傳聞，但可能得罪某些高層，皆因內地對這些話題甚為敏感，未到落案檢控都好少提。
至於CY另一宗罪，則係十六大閉幕選出政治局九常委後，佢即刻發表報告，講述九名常委嘅職責分工。呢啲係未公開嘅資料，唔知算唔算國家機密？中銀國際講呢啲資料畀客戶知，好可能中地雷。今次朱總大義滅親，點名批評佢學生、中銀國際總裁李山，一般估計李山都唔慌坐得耐。
傳真︰2623-9278
電郵︰