今年係英女皇登基五十周年金禧，不過正所謂「人一走，茶就涼」，香港呢個前英國殖民地，慶祝活動可謂寥寥可數。不過，十二月一號仍有個壓軸嘅慶祝活動，由兩個旅居香港嘅英國人團體，RoyalOver-SeasLeague（皇家海外聯盟）及OxfordandCambridgeSociety（牛津及劍橋協會）發起，請到愛德華王子同太太蘇菲來港。
慶祝活動喺該日下午舉行，銅鑼灣印度遊樂會嘅戶外花園，會有英式下午茶自助點心，大家飲杯香檳、聽吓銅管樂隊演奏助興，睇吓英國佬最鍾意玩嘅門球賽，同英國王子握吓手，肯定係難得嘅機會。去重溫濃濃嘅英式情懷，每位只需盛惠三百七十五元。
愛德華王子伉儷訪港期間，重會參加公益金遠足活動及青年獎勵計劃。不過，英女皇金禧慶祝嗰日，阿董因為唔得閒，兩人所以將緣慳一面。
傳真︰2623-9278
電郵︰