蒲吧最緊要玩得放！先有性感主持加辣舞女郎，順手玩激光，自製高潮氣氛；再即場剝衫拍三點式即影即有；臨尾食埋辣辣壽司加競飲大賽，近45分鐘的派對中，舊橋照用，添啲花臣，一樣男女都啱玩。
記者：李玉蘭
攝影：陳百威
吧枱無疑高人一等，一身Bra-top加短裙的辣舞女郎Sally為遷就觀眾視線，不時蹲身、擘髀、瞓吧枱，最後來個大字馬！台下，蒲女大叫，蒲仔多手，雖只能遠睨着舞台，但手中的電筒激光找到焦點，全往她身上重要部位打轉。
Sally未驚過，跳下吧枱捉人跳舞，嚇得一眾落荒而逃。臨近尾聲，蒲友才驚魂稍定，排着隊想跟Sally貼身接觸，可惜為時已晚，一快一慢兩隻辣舞過後，Sally已火速鬆人！部份未能一親香澤的蒲友，縱未清楚下個項目是乜東東，已爭先恐後排隊玩，保證無蝕，無懼麻甩Show女主持YoYo的大整蠱。
身穿魚網絲襪加性感T-Back的YoYo，拿出一碟勁辣壽司，好戲即時上演！遊戲簡單：鬥快食壽司之餘，還要喝一樽啤酒兼講急口令。
有人出貓！猶幸環境夠黑，無人睇到啃不下勁辣壽司的慘樣；有人遲遲不喝啤酒，也只被YoYo暗寸幾句；有人酒未清已反轉酒樽扮冠軍，胡亂念急口令……YoYo隻眼開隻眼閉，照判冠軍。
原來YoYo別有用心，冠軍注定受罪，她即時發揮麻甩主持本色，劈頭便問：「你飲酒咁快，平時嚟料都咁快？」冠軍答：「好快吓！」下刪三百字。有味問，搞笑答，台下蒲友忍不住叫囂，有蒲女大嗌：「得唔得呀你？派報紙你就得！」變相做埋主持。
「大家玩得咁激，想唔想保留呢一刻？想嘅話就上枱，同我影張寶麗來！」前車可鑑，YoYo這麼風騷，一定有陰謀，蒲友你推我讓，反而斯文客最玩得，上台之後，知道要着三點式才可以與YoYo合照，依然企定定，欣然給人脫去衣服，穿上三點式，成功加入水着大軍，絕對風度十足，令大家High無可High。
店名：M1Bar
電話：23117212
地址：尖沙嘴寶勒巷3至7A萬事昌廣場地下1號
節目：M1百威啤酒辣妹激光派對
1.「貓女真人Show」（11月26日10:00pm，主持：兔女郎Maggie主持）
2.「麻甩真人Show」（11月28日10:00pm，主持：SM女YoYo）
收費：免入場費，買半打百威啤酒獲贈一支激光電筒