我羅拉近排睇親日本雜誌，都見到被喻為Morning娘家族最後武器、由松浦亞彌、後藤真希同藤本美貴四個靚女組成嘅GOMATTO，聲勢好鬼勁，而佢哋隻處女碟上個禮拜已經出街，我都想知佢哋係咪真係咁得。唯一可以肯定就係GOMATTO好識宣傳，前嗰排已經鬧不和，前幾日出席「自己友」矢口真里主持嘅節目又喺度爭論，話「我覺得自己最可愛」，完全係講廢話，真係嘥鬼氣。