繼李國章辭職傳聞後，官場又流傳，話《基本法》二十三條立法之後，梁愛詩同葉劉淑儀都有意離開政府。八方初時聽到，都以為係得啖笑，點知有老友同讀者不約而同報料，話見到一位酷似葉劉嘅女士，噚日上午出現喺大角嘴銘基書院，考美國研究生資歷試（GRE）。有位考生去到試場，已經留意到座位表上有個名「IpLauSukYeeRegina」。坐多一陣，竟然真係見葉劉行入去應試。
葉劉外形咁出眾，八方估讀者同老友認錯人嘅機會唔大，於是即刻搵葉太新聞官求證，回應並冇否認，只係話「呢啲係私人事，nocomment。」
八方即刻有兩個疑問：第一，唔通葉劉真係有意放棄如日中天嘅政途？第二，即使要去讀書，葉劉貴為局長，又手持港大一級榮譽學士，及英國格拉斯哥大學同美國史丹福大學兩個碩士銜頭，間間院校都爭住收，使唔使考GRE呀？
（圖）唔通葉劉真係會喺二十三條立法之後離開政府？
傳真︰2623-9278
電郵︰