NBA球員間的轉會大家可能司空見慣，但在大專比賽中，轉投別間大學比賽的例子卻不多，郭慧妍是「少數」的一個。
上年剛協助城大奪得大專盃冠軍，今年便轉讀了中大的運動科學系，郭慧妍（Vivian）怎麼想？「好唔捨得！因為好難得先搵到班咁好嘅隊友同教練；好彩𠵱家佢哋都重『受埋我玩』，我先無唔開心咋。」
初到中大人生路不熟，有冇「適應不良」？Vivian笑道：「開頭都有啲驚自己唔適應，不過啲人都好nice，好快就可以玩埋一齊，尤其是同Allison（女籃另一中鋒）。可能因為教練講戰術嘅時候，我同佢成日都可以一齊諗到啲新嘢，好合拍。」
新人事、新地方，Vivian又會唔會畀啲新目標自己？「當然會啦！多咗上年嘅經驗，我希望喺中大可以打得更好；練波時，我都會嘗試多啲畀意見隊友，令整體戰打得更好。最重要當然係打低專教院出線啦！」
訪問完即跑到球場繼續埋頭苦練的Vivian，相信在其天份加汗水之下，去到哪裏都會一樣出色吧！
學系：中大體育運動科學系一年級
位置：前、中鋒
球隊：福建
球衣號碼：10