有線電視昨日為宣傳新劇《怪談》,特別於上環大笪地舉行宣傳活動,並請來幾位玄學師傅包括李丞責及麥玲玲等為市民看相,只象徵式收取五十元。
李丞責昨日在台上為陳雅倫睇相,他說:「陳雅倫佢眉生得濃,即係話佢早年過份着重感情,眼大本應早婚,但眼神唔夠銳利,所以錯失咗姻緣,而鼻位生得直,會有個好丈夫,而呢幾年佢嘅真命天子會出現,要記住好好把握。」
陳雅倫聽完李丞責一番說話後說:「我以前好迷信,乜都睇一餐,乜嘢掌相、紫微、三世書都睇勻晒,但係𠵱家人大咗,就發覺好多嘢始終要靠自己,師傅雖然話呢幾年會有真命天子出現,但其實我都唔心急,反正我都兩年冇拍拖,都幾享受𠵱家自由自在嘅生活。」
採訪、攝影:林妙萍