十八歲的Polly，從前性格反叛自我，曾經沉淪毒海，被搖頭丸及大麻損害健康，生活日夜顛倒；在社工循循善誘下，如今Polly徹底戒除昔日惡習，日間在髮廊學理髮，晚上回家享天倫，不再糟蹋生命。
記者訪問Polly當日，她早已到達髮型屋準備接受訪問。精神奕奕的她告訴記者：「𠵱家我嘅生活比以前正常好多，朝早九點返到髮廊開工，夜晚七點收工，一星期放假一日，生活好充實，唔再晚晚蒲D唱K同唔返屋企。」
記者眼前的Polly，面容秀麗，青春可人，然而年幼的她曾經誤入歧途，背後有一些不堪回首的往事。「我讀小學六年級嗰陣，因為貪玩，放學之後經常去屋邨公園流連，有次同人講數打架，結果俾警司警誡；升中之後，我開始啪丸、吸大麻，而且走佬唔返屋企。」Polly低聲憶述。
在破碎家庭長大的Polly，形容其家庭背景「非常複雜」，她細說：「爸爸媽媽喺我只係BB嗰陣離婚，之後阿媽再結婚，但我一直跟外婆住。」而Polly當年「學壞」的原因，與她性格反叛不無關係。「我知道婆婆好錫我，……但嗰陣我唔鍾意俾人困住。至於用刀片𠝹手，係因為我唔開心想發洩。」
經過社工長期跟進及輔導，今日的Polly，已變得懂事和上進，「始終人大咗會識諗，我亦已經厭倦以前日頭瞓覺、夜晚周圍玩嘅生活，重覺得跳舞啲地方同K場好嘈。」Polly說，如今當她情緒欠佳時，會選擇向朋友傾訴，不再傷害自己的身體。
態度親切、健談的Polly，更以過來人身份這樣勸勉時下青少年遠離毒品﹕「吸毒會上癮、會死快啲㗎。電視新聞都有講，啪丸會破壞腦細胞，我就因為啪丸，變得反應遲鈍，所以我以後點都唔會再啪丸。」
至於未來大計，Polly娓娓道來﹕「社工舊年轉介我嚟呢間髮廊學門手藝，師傅好有心機教我，令我學到好多嘢，包括洗頭、染髮、剪髮同電髮，愈學愈有興趣，希望將來可以升做髮型師。」Polly並坦言，現時獲得最大滿足感是能夠自己賺錢生活，另外她與家人的關係已經好轉不少，「阿媽叫我要乖，……我都會畀心機返工同學嘢，比起以前好唔同㗎喇。」浪子回頭的Polly，正邁向光明和豐盛人生。
基督教豐盛職業訓練中心成立於八七年，最初只在觀塘開設一個車房，幫助青少年釋囚、戒毒康復者及邊緣青少年建立謀生技能以提供輔導，月薪介乎三至四千元。去年，豐盛分別增設冷氣工程及髮廊，以迎合受助對象的不同興趣。
查詢電話：23048055
暖流熱線
電話：29908688
傳真：23702192
電郵：
網址：