鄭秀文（Sammi）昨日到旺角新世紀廣場以「二○○二亞洲遊戲展」大使身份主持揭幕禮，不知她是否近日忙於拍戲而疏於keepfit，她出席活動時雖已由頭包到落腳，但仍遮掩不到其發胖的臉龐，而且出現雙下巴，十足《瘦身男女》中減肥中段的Sammi。
雖然Sammi發福了不少，但她卻以神奇女俠的形象替遊戲展擔任大使，而Sammi的全新MV《神奇女俠》亦全以電腦效果製作。問到Sammi在MV中的身材如何，她笑說：「都有少少犀利，既然有得整，不妨有少少立體感，未試過吖嘛。電腦當然可以做到我有四十六吋長腿，玲瓏浮凸嘅身材，但係我都係做番近似自己。」
此外，昨晚播出的《掌聲的背後》節目中，許志安被主持人沈殿霞問到為何不肯承認和Sammi拍拖時說：「三言兩語係講唔完，喺呢方面朦朦朧朧重舒服。不過坦白講，喺呢十年裏面鄭秀文小姐對我嘅事業上係有好大幫助，我亦都畀佢好大靈感，喺事業上係重要嘅。」
採訪：駱華齡 攝影：仇志中