盧巧音Candy外形硬朗，重係玩Band出身，以為甚好杯中物，原來「我飲酒唔掂㗎」！不過只係烈酒唔掂，Cocktails重可飲到幾杯。最近愛上自己調校威士忌，將咁啃嘅酒，變成甜味濃郁易入口，最緊要唔會咁易醉，當場示範，重一試即成功，果然有潛質。
記者：梁佩芬 攝影：伍慶泉
服裝：Ztamps
髮型：MattfromHeadquarters
化妝：AngelYip
逢星期一至日刊出
原來Candy飲好少酒，不是要顧形象，不是要保護聲線，而是覺得酒好苦好難入口，就算同Friend落吧傾偈，都係飲果汁式Cocktails。雖然酒齡淺，但她也記得上一次飲醉酒的深刻經歷……
「我都唔係滴酒不沾㗎，亦都唔係飲少少就變醉貓，但我自制力好好，唔會有事。咁耐以嚟，最記得上次唱片公司聚會，老前輩黎明話同我乾杯喎，你知啦，大佬叫到點都要頂硬上，我以為飲兩杯啤酒就過骨，最多都係白蘭地，點知係酒精五十幾度嘅五糧液！真係縮沙都嚟唔切，劈咗兩杯之後，開始眼『擎擎』、面紅紅、手震震、喉嚨㷫，之後發生乜事都唔記得晒咯！」
Candy覺得有時盛情難卻，避無可避，飲兩杯在所難免，有見及此，就開始嘗試調校威士忌Cocktails，不過每次校到配料多過酒。究竟威士忌原味是甚麼，到𠵱家都唔知道。
地址：跑馬地山村道一號怡豐大廈八號地下
電話：25727070
自古以來，薑已是一種重要商品，新鮮磨成粉再製成的薑啤，但出奇地唔帶辣味，Candy覺得，薑啤可以沖淡威士忌的苦澀味道，不過就好易飲到成肚氣，切記勿飲得太快。
前陣子，由張曼玉帶起飲威士忌加綠茶，掀開玩威士忌撈嘢的序幕。今次Candy覺得冬天天氣乾燥，最好可以加滋潤的配料就更易入口，初頭加一大匙蜂蜜入酒，但原來好難完全溶於酒內。幾經嘗試，最後選擇蜂蜜綠茶。
先舀一匙糖放在手背上，舔完再飲一Shot威士忌，這飲法好多次被人用作劈酒用，始終一Shot威士忌都幾啃。Candy試飲後，「搞到成手都係糖，有啲麻煩」。
地址：德己笠街24-26號二樓
電話：28458477
Candy炮製的四種Cocktails，話最啱女士享用，愛蒲吧的女仔覺得又如何呢？