十六大啱啱分完「豬肉」，但係八方竟然喺香港見到已故國家主席楊尚昆嘅公子楊紹明，楊公子都算「太子黨」，點解唔去北京湊吓熱鬧？
身為攝影發燒友嘅楊公子話，𠵱家最忙係處理父親嘅豐富遺產，不過唔好誤會係指分身家，佢講緊嘅係楊尚昆留底嘅手稿同照片等資料，重有好多鄧小平從未曝光嘅珍貴照片，不過幾時會出版，楊公子就唔肯講。
原來楊公子替胡錦濤影過相，楊尚昆過世後，胡錦濤亦曾經兩次代表領導層同楊公子傾佢嘅工作安排。傾完偈，楊公子就被安排擔任「宋慶齡基金會」副主席。佢對胡錦濤嘅印象係「他很願意體察下情，對人謙和、謹慎」。不過政治嘅事，佢笑住話不在其位，不謀其事，「只會在攝言攝。」
﹙圖﹚楊尚昆公子楊紹明當正自己係攝記，唔放過任何一個有新聞價值嘅鏡頭。
傳真︰2623-9278
電郵︰