噚日小初睇到張公司通告，話上海世紀（755）的戴總，取代原本嘅賀總做主席。呢兩年在本港股壇叱咤一時嘅上海幫，其實唔只炒股叻，炒殼重叻。
上海幫最先收番嚟嘅殼股，就係國中控股（202），並作為旗艦，然後再開枝散葉，由關連人士收購其他殼股，再作重組，如是者又有上海世紀、國新集團（1215）同埋國潤控股（175）。
上海世紀本來由賀總及另一班人揸大旗，但其後戴總加入，公司再收購埋佢在上海嘅地產發展項目，原本的股權組合已面目全非。
據經紀陳講，戴總在浦東一帶，無論在證券同地產方面，都有唔少投資，可以繼續留意上海世紀走勢。
另外，據年輕賓架講，上海幫下一個目標就係國潤，佢話將有另外一批上海生力軍加入，谷番起隻股。至於國新，由於股價一挫再挫，聽聞有唔少炒家中招。
慕容小初