噚日係警隊一年一度嘅「學習及發展」展覽，為期三日，好多警隊部門同其他機構都有參展，主辦單位重搵咗新上任嘅警務處副處長馮兆元去主持開幕禮。身材甚fit嘅馮Sir即場量血壓，點知結果較正常稍高，負責測試嘅警官話，馮Sir梗係俾在場記者包圍，先至會令血壓增高，但有記者即時搶白，話馮Sir應該同記者講多幾句，血壓就會下跌。
警察公共關係科向參觀嘅夥計派發接受傳媒採訪指引，教佢哋唔應該向傳媒披露機密資料、說謊、瞞騙，同阻礙攝影機鏡頭，而應該誠懇據實報道喎。
傳真︰2623-9278
電郵︰