陳豪、陳慧珊（Flora）、秦沛、胡杏兒和監製梅小青等，前晚在旺角出席無綫電視劇《絕世好爸》慶功宴，由Flora、秦沛和梅小青三人請客。
對於有報道指Flora因為跟無綫續約才可奪無綫《萬千星輝賀台慶》的「我最喜愛的女主角」獎項，她說：「我舊年已經同公司續咗新約。我睇到報道話陳豪同Ada（蔡少芬）傳緋聞，我有甩難嘅感覺，其實雜誌影到佢哋嗰日，佢哋係等緊我同邵美琪。」Flora得獎後，已通知了身在美國的雙親，家人都替她高興。
此外，秦沛前晚帶同二十歲的兒子Benjamin同來，他的兒子已簽約給張國忠，準備加入娛樂圈。秦沛說：「阿仔已讀完大學，佢兩年前受謝霆鋒影響，有興趣入行，佢又啱啱讀完大學，我咪畀佢試吓。」
採訪、攝影：王崇穎