之前同大家預告過，噚日係《南早》前主筆賈庭思同《信報》甜姐兒黃淑嫻嘅大喜日子，八方噚日去觀禮。
新娘子Candy以前喺《信報》嘅行家、𠵱家喺大摩做嘢嘅同事都有到；男家三個兄弟分別由英國同愛爾蘭趕嚟，父母亦特登由上海飛港主婚。原來賈庭思爸爸詹丁思，係英國衛報集團東亞分社社長，一口「煲冬瓜」講到嘞嘞聲。
同賈庭思識咗好耐嘅投資推廣署署長盧維思都有到賀。到咗宣誓嗰一刻，一位兄弟竟然吹起中式洞簫助興，吹得有板有眼，雖然八方同一眾嘉賓都聽唔出吹緊邊首歌，但都拍晒手掌。
﹙圖﹚《南早》前主筆賈庭思娶得美人歸，禮成來個深情一吻。張志華攝
傳真︰2623-9278
電郵︰