蔡卓妍（阿Sa）昨日二十歲牛一，前晚與一班好友在跑馬地慶祝，但昨日她卻帶着歌迷送的小狗到處頻撲看獸醫。阿Sa表示小狗是今年的生日禮物，但獸醫竟稱無法救回小狗，令她相當擔憂。
人氣組合Twins的蔡卓妍昨日二十歲生日，可惜她的八哥愛犬卻病危。昨午四時許，阿Sa拿着一個寵物箱與助手出現跑馬地雲地利道，只見她步進一家動物診所，十分鐘後離開。
阿Sa一臉哀傷地表示，歌迷剛送了一隻八哥犬給她作生日禮物，誰知小狗生病了，她說：「我今朝帶佢睇過醫生，但重係咁嘔同屙血。」
問阿Sa生日去看醫生，不怕棹忌嗎？她說：「唔驚，隻狗同我好有緣，呢間診所話唔收新症，又話佢都係唔得，好可惜呀，我𠵱家要返屋企執嘢，今晚要做嘢，等陣再去睇獸醫。」
而前晚阿Sa在跑馬地StudioOne開生日會，阿Sa的母親、拍檔鍾欣桐（阿嬌）、英皇3T小花、容祖兒、陳小春和余文樂都有到場。有傳阿Sa暗戀余文樂，只見阿樂前晚拿着一個LV紙袋到場，問他送甚麼禮物給壽星女？他說：「普通禮物啫。」
陳小春離開時滿身酒氣，問他送甚麼賀禮，小春以手掩胸笑說：「送條毛畀佢呀！」阿Sa母親則表示送了溫暖牌冷衫給愛女。
阿Sa透露今年的生日願望是身體健康，更表示希望有拖拍，問公司會否不讓她談戀愛？在旁的經理人霍紋希即說：「畀，不過只可以神交，用電話同電腦交流，好似祖兒咁！」
阿Sa卻說：「我唔想偷偷摸摸。我鍾意男仔好多嘢講，但嗰啲通常唔靚仔，個人要簡單同儍儍哋。」前晚英皇老闆楊受成沒出現，阿Sa說：「我叫佢唔好嚟，佢出錢包場，楊太就送蛋糕畀我。」
此外，昨日有周刊報道指阿Sa主動出擊冧張衞健，昨日健仔接受商台節目電話訪問時說：「完全冇咁嘅事。至於話食飯坐喺我側邊，咁一齊拍戲坐隔籬唔出奇吖。」
採訪、攝影：娛樂突發組、何國豪、李珮洳