無綫行政主席邵逸夫的太太方逸華，最近接受港台節目訪問，自爆有退休念頭，以便重拾年輕時的興趣，並到一些她從未去過的地方旅遊。而歌星出身的她，原來亦是無綫第一代音樂主持，年輕時喜歡揸車四處兜風，並與友人到淺水灣野餐唱歌。
二十多年未接受過電台訪問的無綫副行政主席方逸華（原名李夢蘭），日前破天荒接受香港電台第一台主持韋家晴的《男人之家》節目訪問，並於今晚播出。方逸華在訪問中會細說她如何由幕前轉到幕後工作。
方逸華說：「當年我唱歌要做啲舞台珠片衫，記得當年邵氏開拍《新不了情》，要訂做嗰啲珠片衫，於是就叫我帶啲明星去做。後來替邵生（邵逸夫）打理邵氏採購部嗰位親戚要返新加坡，於是邵生叫我試吓去採購部做，冇幾耐製片部又有人要返加拿大，邵生咪要我幫埋手囉。」
歌星出身的方逸華，未加入邵氏之前，原來曾主持無綫音樂節目《可樂晚唱》，稱得上是無綫音樂節目主持長老，而她年輕時最喜歡到榕樹頭食消夜，或是跟UncleRay等一班band友開車兜風，並時常到淺水灣野餐唱歌。
當主持問她現時可有唱卡拉OK時，方逸華笑說：「一年至多唱一、兩次，但𠵱家啲歌唔似得以前咁易唱，我記得上次唱嗰首係《無言的結局》，你話有幾耐！」
方逸華對工作的熱愛程度，不比六叔邵逸夫遜色，她每日由上午八時半工作至凌晨一時。提到早前有消息指她今年六月三十日會接替六叔擔任無綫行政主席一職，方逸華指一切純屬誤會，她說：「六叔車牌係六號，我車牌係三十號，所以啲人咪推測六月三十號囉。」
每天營營役役的方逸華，原來也有退休的念頭，她說：「可以嘅話，我希望早啲退休，做一啲後生時希望可以做嘅嘢，好似學烹飪同去一啲自己未去過嘅地方旅行。」此外，被問到六叔是怎樣的一個人時，方逸華說：「做事好認真，好有遠見，我重好敬重佢，仍然覺得佢係我老闆。」