關秀媚前日凌晨與一名男子同車發生交通意外後涉嫌酒後駕駛及向警方提供虛假資料被捕。而同車男子Calvin原來頗有家底，幾個月前已經與關秀媚交往。
關秀媚前日凌晨四點半在跑馬地與一名王姓光頭男子同車，兩人所駕的凌志跑車在斜路溜後時，撞到北京魔術大師李寧經理人黃志煒的私家車。關秀媚與同車男子涉嫌酒後駕駛及向警方提供虛假資料被捕，事後各准以一千元保釋。雖然關秀媚沒有透露同車男子與她的關係，但據知她在幾個月前已經與光頭男子在交往中。
光頭男子Calvin原來是楊其龍與江欣燕丈夫吳積遜的好朋友，之前曾替楊其龍的公關公司工作，又曾經做過唱片騎師，在PinkMaoMao客串打碟。Calvin家境頗富裕，其父是香港有名的會計師，幾個月前在楊其龍和江欣燕等好友介紹下認識了關秀媚，雖然關秀媚已經有王晶這位異性好友，但她與Calvin十分投緣，所以近來經常有來往，前日凌晨他倆就是相約了朋友消遣。
記者昨日致電楊其龍，他承認與Calvin是好朋友，但他頗為避忌說：「我同佢係識咗好耐嘅朋友，不過佢又唔係圈中人，我唔可以講太多佢嘅事。」當記者追問關秀媚是否與其好友Calvin拍拖？楊其龍說：「呢啲就更加唔可以講啦！人哋啲感情我點會清楚。」
上山詩鈉昨晚在中環出席一個活動，對於好友關秀媚涉醉酒駕駛及頂包，由她辦理保釋手續一事，她說：「件事唔係咁嘅，報道咁誇張會影響審判結果㗎嘛，乜嘢頂包啫。自從有咗霆鋒單嘢後，個個都當頂包係個joke，隨便拎嚟講，咁對關秀媚好唔公平。佢𠵱家心情唔好，暫時都唔會出嚟㗎啦。」
此外，任達華昨日在惠陽一個高爾夫球活動中談到關秀媚，他說：「其實好多藝人都會用飲酒嚟減壓，不過我都要奉勸啲藝人，為咗自己或他人設想，酒後最好唔好揸車。」而葉童昨日出席一個活動時表示：「佢不嬲飲得，佢講粗口都好平常啫，佢激嘛。其實霆鋒單嘢已經係借鏡，撞車唔好唔認，停牌係小事，要搞到上庭就嘥錢嘥時間。」