宣萱昨日為擔任代言人的「AFC淺山 家」健康食品，在杏花邨一間超級市場及筲箕灣的一家便利店拍攝平面廣告，而她在便利店內更受到學生包圍，紛紛向她攞簽名及合照。
對於羅嘉良（撈家）在台慶夜奪男主角獎項時，有人因不滿秦沛（Paul）落敗而發出噓聲，與嘉良曾傳緋聞的宣萱說：「Paul哥有實力，撈家又實至名歸，啲人都希望Paul哥可以攞。呢啲噓聲唔係負面嘅，都啱嘅，Paul哥攞唔到係可惜，其實佢哋是但一個攞，我都一樣咁開心。」
撈家在台上曾多謝宣萱這個拍檔，宣萱則笑說：「佢應該啦，但佢都交足戲，我都多謝佢，啲人係要講都冇法，做得好就傳緋聞，做得唔好又話唔好，人哋鍾意講乜就乜啦。」
採訪、攝影：朱芷瑩