響今年年初於歐洲市場推出、並快將抵港嘅新一代福特Fiesta，除備受各地車迷追捧外，最近更榮獲由德國星期日最暢銷報章BildamSonntag，所頒發嘅GoldenSteeringWheel獎項；呢個獎項係由28個獨立團體，當中包括汽車工程師組織、賽車界代表以及多個專業駕駛人士推選產生。評審團給予Fiesta嘅駕駛操控、傳動系統及外形設計評級為最高分，從而證明咗福特新推出嘅汽車，備受各界人士所認同。
呢次經已係福特第七次獲得GoldenSteeringWheel獎項，同廠旗下嘅Focus、Mondeo、Ka、Escort及Scorpio等車系，都曾經成為呢個獎項嘅得主；而第一代Fiesta更於1976年，成為首部獲得GoldenSteeringWheel獎項嘅汽車㖭！話唔定Fiesta正式在港推出時，又會囊括多個由本港汽車傳媒，所頒發嘅獎項呢！