近年，德國福士車廠先後推出多款新車，全都備受車迷追捧，風頭可謂一時無兩；然而，早前我哋曾作介紹嘅Touran新款MPV，廠方最近就公布咗關於此車嘅詳細資料。新車除造型吸引外，多變車廂布局亦為賣點之一；不如就趁Touran響明年第一季推出前，一齊嚟先睹為快啦！
記者：鄭達基
雖然Touran嘅車廂，標準版為五座位設計，而第三排兩張獨立座椅則屬附加配備，但當有需要時，後排兩張獨立座椅可收藏於地台下，又或者將中排座椅獨立拆走，從而可營造出敞大嘅尾廂空間；另外車上重有多個雜物匣配置，方便你擺放雜物㗎！車廂空間又見寬敞，當中前排乘客及駕駛者嘅空間感，亦較其他同級車款為高，務求為你帶來舒適嘅乘車環境外，設備配搭重好齊全易用㖭！
雖然新車只以一台658cc直3DOHC引擎作動力核心，但響VVT技術嘅輔助下，不但有充裕動力輸出，而且重有低耗油量（19.0km/L）及低廢氣排放嘅表現㖭！而由前輪透氣碟及後輪鼓式所組成嘅制動系統，加上ABS裝置，除咗可以畀到你有收放自如嘅體驗外，雙安全氣袋及堅固車架結構，亦能為你帶來充份嘅保護呢！