寰宇電影公司最近成立了經理人部門，並從千人中選出羅文生前最後所收的徒弟Rico，和曾任TVB藝員的「再版霆鋒」Anson力捧，而這對「孖仔」目前正秘密練兵，並在明年一月參演鄭伊健與趙薇主演的新片響頭炮。
憑投資《少林足球》一片而省靚公司招牌的寰宇電影，由於製作量多，故早在三個月前，寰宇便成立了經理人部門，更從千人中選出兩位男演員力捧，而這對寰宇孖仔分別為現年二十五歲的郭力行（Rico）及二十三歲的梁進一（Anson）。
孖仔中的Rico是羅文生前所收的最後一位徒弟，日前Rico在尖沙嘴接受本報訪問時說：「我三年前跟籮記學唱歌，後來佢病咗，但都有繼續上堂教我，直到五個月前，佢透過另一位圈中人介紹我入寰宇，我雖然冇正式拜師，但一路都好感激籮記，佢係一個好老師。」
至於Anson則曾為無綫藝員，與揚明及楊怡同期訓練班出身，Anson說：「我喺TVB做咗三年，約滿之後就冇續約，有日喺街度撞到寰宇嘅星探，大家都覺得啱，咁我就簽咗寰宇啦。」
近期孖仔正秘密練兵，既學唱歌又隨羅冠蘭演戲，他們在明年一月將會參演寰宇所開拍、由鄭伊健及趙薇主演的時裝喜劇，稍後二人亦可能會以組合或個人形式簽約唱片公司，日前二人在葵涌隨前輩羅冠蘭上堂時，羅冠蘭說：「Rico話頭醒尾，好靈活，但佢個人太開心，閱歷唔多，我要畀啲挫敗感佢；Anson就亦正亦邪，似霆鋒，佢兩個都好唔同。」
採訪、攝影：朱芷瑩