一代性感女神優香收山唔再拍水着，不知令幾多男fans心碎，佢最近喺新月曆稍為露一露、扮吓白衣天使，又再令人諗起佢當日嘅風采。咁啱優香最近拍咗個廣告有出浴鏡頭，我羅拉啲義氣仔女即刻同大家分享。不過唔好話我搵笨，優香喺呢個雪花膏廣告入面只係「睇住人哋出浴」啫。但係佢搽雪花膏喺佢肌膚上嘅動作都好誘人㗎，一定可以令fans止渴嘅！