飲食人誌：
$8,000鮑魚宴一啖千金

被台灣人稱為「鮑魚公關」的楊貫一，推出一年一度的金輝宴，入場費是八千元一位，吃是八頭鮑、官燕、魚翅，飲的是特級干邑，不知看完這文章，你會否垂涎三尺，掏出現鈔立即動身訂位；不過，我想大多數人都像我一樣，連鮑魚汁也沾不上呢！

記者：梁佩芬　攝影：伍慶泉

是次金輝宴請到兩位朋友先嘗頭啖湯，有形象清純、叫阿一做爸爸的陳松伶，另一位是軒尼詩干邑第八代嫡系傳人與阿一相識十多年的MauriceR.Hennessy，每次來港都必定一試。

阿一同軒尼斯互送高帽
這場用成個月人工食一餐的宴會，阿一有口德，半點也不透露誰曾光顧，不用說，都是達官貴人，難道一個牛記笠記，入富臨被人上下打量的記者，有能力一擲千金嗎？難得是，今年與阿一齊辦金輝宴的人Maurice，也大有來頭。
他倆一來便互送高帽，Maurice說只要到中國人的地方一定要食曾獲獎又出名的阿一鮑魚，軒尼詩只與出名又出色的廚師合作做宴會，而七十歲的阿一更喜上眉梢：
「只有軒尼詩先配得上我嘅鮑魚！」

一餐最多兩份食
自1997年起舉辦每位一萬大元的金輝宴，首三年都與紅酒及香檳有關，上年始與軒尼詩一起做生意。阿一話，以前$10,000一位是食五頭鮑，今年降價至$8,000是食八頭鮑，由以往只限一位客人，加至現在可兩份食。不過，經濟不景，一哥豪門宴人客也大減，以往做七日有200個貴客，上年則兩星期才有200個，今年情況更差，約四星期才有200個客。

用萬二蚊干邑調味
十二月八日至三十一日的金輝宴共有七個餸，精打細算的一哥當然不會全部煮出來供我們拍攝之用，只親自煮了部份最貴價的菜式。宴席上，每人都可任飲重新推出的新酒「杯莫停」（Paradis）；而當中一道菜更用上價值$12,000，有百年歷史的李察干邑（Richard）「贊」酒煮餸！

龍蝦球炒官燕　油鹽炒無調味
古時外族喜用白如銀的極品白燕進貢皇室，因此博得「貢燕」及「官燕」之名。白燕本身品質極佳，是金絲燕第一次或第二次所築的巢，毛少，質白光潔或稍有象牙黃，氣味清香。每碟有二両官燕，只用油鹽調味，再用已醃味的炒龍蝦肉炒成。

雙龍網鮑　一啖幾嚿水
一隻值$5,000的日本雙龍八頭糖心網鮑，質素可算是乾鮑之皇，每頭鮑都可放達二十年之久，也能保持柔滑又不失彈性。阿一先用排骨、老雞煲二十八小時後，再上鑊炒兩下就原隻咬，細軟中帶爽脆的感覺。松松鍾意切開一片片，慢慢品嘗，我就會用隻叉，叉住咬實死都唔放啦！

金輝魚翅　足三両罕見金鯊翅
一碗都要$800的魚翅「郎」口，阿一話，貴在每碗都有三両罕有的金鯊魚翅，再加上花膠、鰵魚肚及鹿腳筋，熬七八小時出來。

富臨飯店
電話：28912555
地址：銅鑼灣駱克道485號
營業時間：11:30am-11:30pm