容祖兒及陳奕迅前晚為明珠台購入的經典西片《鐵達尼號》配音，二人扮演里安納度及琦溫斯莉，對於男女主角的一幕車廂情慾戲，陳奕迅表示會似「屙屎」，一味「嘻嘻噓噓」。
明珠台最近購入由里安納度迪卡比奧（LeonardoDiCaprio）及有肥溫之稱的琦溫斯莉（KateWinslet）主演的著名西片《鐵達尼號》，明珠台並首次邀請容祖兒（Joey）及陳奕迅（Eason）兩人為電影配音，他們在片中分別扮演男女主角，由於該片長達三個小時，故他們亦要分三日工作。
Joey前晚在電視城內在為《鐵達尼號》配音時笑說：「Eason把聲似一個靚仔，佢把聲加里安納度個樣就天衣無縫，但佢嘅真人就遲啲至講啦！我覺得自己把聲都似肥溫㗎。我最想配卡通片，Eason啱做《IQ博士》入面嘅千平博士，我就啱做小雲。」但千平博士十分好色，Joey聞言說：「係男人都鹹濕㗎啦！」
要以粵語演繹肥溫與里安納度在《鐵》片內的一段至死不渝愛情，其實頗有難度，而男女主角其中一場在車廂的情慾戲，就更考功夫，問Joey如何配接吻戲時，她笑說：「錫隻手囉！情慾戲就『嘻嘻噓噓』。」
Eason的答案就更加搞笑，他說：「咪『嘻嘻噓噓』囉，同屙屎差唔多，但節奏就梗係唔同，嗰樣嘢（做愛）節奏快啲，屙屎嘅節奏係快完之後就慢。」
Eason又笑稱自己未試過像男角般吐痰，所以覺得難度高，他又自問不及里安納度有型，本身只是麻麻哋，故沒有男角神髓。
樂壇頒獎禮在即，問Eason會否擔心幫無綫工作，會引來換獎的話柄？Eason說：「我唔係幫手，有嘢就做，有錢㗎喎，同埋當係一種經驗。」
採訪、攝影：王崇穎