貴為手腳名模的Katherina，緊張雙手多於一切，單看外表，還以為她是十指不沾陽春水，不入廚房半步的靚媽咪，不過世事往往就是出人意表，擁有十多年入廚經驗的她，一星期煮足五餐，還要親自到街市揀新鮮靚材料，樣樣掂過摸過係靚貨先會買，千挑萬選之餘，亦甚懂精打細算，今次就以30蚊為限，煮出三道餸菜既能滿足愛吃肉的仔仔，及吃得清淡的囡囡。原來Katherina入到廚房，關心子女的口味和健康不下於她那雙搵食玉手。
記者：周麗懿
攝影：黃子偉
靠一雙玉手搵飯食的Katherina，回到家中放下一包二包，便迅速拿出潤手霜，她說：「我嘅習慣就係一定要先搽HandCream，戴上手套先至煮飯，如果唔係，我一定唔會掂廚房嘢嘅。」由十幾歲開始護理雙手，到成為手腳名模，Katherina的心得就算未能令廣大「煮婦」改善雙手的外在美，至少也能夠保住雙手皮膚的健康。
Katherina的仔仔喜歡吃肉，但齋吃肉營養不夠均衡，所以她想出將肉釀在節瓜裏。不過由於她並不十分愛吃豬肉，所以她的習慣就是在豬肉內加入少許蒜頭，來辟除那陣豬肉羶味，我也是第一次吃這種方法煮的豬肉，發現味道跟不加蒜頭的真有點不同，若真的忍受不了豬肉羶味而放棄食豬肉的朋友，不妨效法。
材料：
節瓜 1大隻（$2）
豬肉 適量（$5）
冬菇 2隻（$1）
蒜頭1粒
Katherina說現在不是很多人懂得煮這味菜，既是她的拿手好菜，亦是囡囡至愛。她說這道餸做法其實很簡單，不過最重要是水的份量要拿揑得準，所用的豆腐最好為硬豆腐，減少蒸的過程裏出水。
材料：
魚肉 適量（$5）
鹹蛋 1隻（$1.5）
雞蛋 1隻（$0.8）
豆腐 1磚（$1.5）
葱花 少許
仔仔至愛的另一道餸，不單止愛吃，還喜歡幫手挑蝦腸，Katherina說仔仔清理蝦腸的手勢相當熟練，連她也自愧不如，可惜當日仔仔剛巧有學校活動未能在家幫手。而戴上手套的她，仍然駕輕就熟地剝蝦去腸。
材料：
西芹 半棵（$3）
蝦 1份（$10）
番茄 少許
蒜頭 少許