難得有兩日假放，我梗係會爭取每分鐘玩到盡，食完火鍋意猶未盡，朋友提議到八卦一路附近嘅康泰娛樂城打保齡球，原來呢個娛樂城唔止商場咁簡單，打波打機樣樣有，而且開到凌晨時分，最啱我呢個夜鬼！
記者：黃希知
攝影：Manny
保齡球場收費比香港平一截，逢星期六、日及公眾假期，上午9時至下午1時，每局?15；下午1時至凌晨1時，每局?20，租鞋每對?5，但全場球道唔係好多，黃金時段去玩可能會無位，食完飯夜少少去就唔使同人爭。
康泰娛樂城唔單止有保齡球球場，卡拉OK、兒童遊樂場、桌球室、電子遊戲機、按摩店、時裝店同食肆全部都有，但唔知係咪深圳人習慣早睡早起，到夜晚10點幾已變得無乜人氣。
店名：康泰娛樂城保齡球場
電話：(86)75582403974
地址：深圳市紅岭中路康泰娛樂城
營業時間：上午10時至凌晨1時