梁天偉嫁女保安奉旨嚴密 - 李八方

  梁天偉嫁女保安奉旨嚴密 - 李八方

資深傳媒人梁天偉前晚喺灣仔君悅嫁女,真係識揀日子,撞正朱總訪港下榻君悅,拜朱總所賜,呢個婚宴嘅保安,肯定係今年最嚴密,好在梁天偉已經一早警告各方好友,唔好揸車去君悅,否則分分鐘等到做完安檢,飲宴已經散場。
新郎魏庶光喺台上發誓會同太太白頭到老,嘉賓都感動到眼濕濕,新娘子梁伊媛就不停叫爹哋唔好喊,要忍住。梁生感情豐富大家都知,何況佢咁錫呢個女,所以大家都唔會笑佢眼淺。
(圖)梁天偉(右二)同梁太(右)嫁女,開心之餘未免有啲傷感。


傳真︰2623-9278
電郵︰[email protected]