雖然𠵱家二十九歲嘅宮澤里惠點都冇可能好似佢十零歲時咁索，但緋聞男友真係多籮籮，中田英壽、真田廣之，幾乎每個月一個新嘅，噚日又話佢搭上咗一個首飾設計師啦。 日本報紙話里惠嘅新歡三十幾歲，又高大又有才華，喺東京有間首飾舖，連木村拓哉都係佢常客。呢排就有唔少人見到佢哋拍拖食飯行街，甜到漏油。我大口羅拉衷心祝福里惠今次真係搵到歸宿啦！