天氣逐漸轉涼，要用冷水洗臉或洗手，那種滋味絕不好受，但年過八旬的程北夫婦，卻因為乏錢購買一部熱水爐，長年也要使用冷水沖涼。
「裝一部煤氣熱水爐要成二、三千蚊，我哋邊有咁多錢呀，煲熱水沖涼又麻煩，開爐開火煲四、五次先夠，所以我哋通常都沖凍水涼。」程北夫婦異口同聲地對記者說。
八十二歲的程北和同齡妻子白三女，育有四子女，三名女兒居於內地，幼子雖在香港生活，但本身也有家室，自顧不暇，兩老退休後靠綜援金過活。「我哋都做到成七十幾歲先退休，我喺酒樓洗碗，伯爺公（程北）就幫人剪髮，人工得好少！」開朗健談的白婆婆笑道。
奈何夫婦的年紀日漸老邁，仍沖凍水涼，但身體狀況大不如前，兩人同患糖尿病及血壓高，須定期覆診及服藥。「我成日都頭暈，行兩步就要唞一唞；伯爺公啲皮膚就唔係咁好，成日周身痕，要搽藥膏。」為了健康着想，他們考慮安裝一部煤氣熱水爐，以免寒冬時要用冷水沖涼，減少生病的機會。「好多街坊都勸我哋，裝番一部熱水爐，但我哋兩個人份綜援金，交咗屋租，七除八扣，得番三千蚊左右，開飯都繃繃緊，重邊有多餘錢吖！」白婆婆無奈地說。你願意幫助這對年老長者達成心願，過一個溫暖的冬天嗎？
捐款編號：C0745
暖流熱線
電話：29908688
傳真：23702192
電郵：
網址：