唔使學歷、身高體重限制，都一樣可以照考警察？同人爭地盤，公然喺旺角好景、信和賣X仔，竟然冇人拉？在此樓市混亂之際，居然大手入貨，又唔怕做樓蟹？以上所講嘅，你都可以喺《古惑仔Online》嘅虛擬世界體驗到，而且重係首個Online遊戲採用香港實景地圖設計，玩落特別有真實感，老外出嗰啲Game，邊度有呢份親切感覺！
記者：朱崇德
極具爭議性的線上遊戲《古惑仔Online》，終於在「淫褻及不雅物品審裁處」評定為二級物品後放行，Server亦在今日開始正式投入服務。呢隻改編自香港名漫畫《古惑仔》的遊戲，漫畫中的主要角色如陳浩南、細細粒、山雞及大飛等，都會在遊戲上登場，玩家可在遊戲中扮演心目中理想角色，在《古惑仔Online》的虛擬世界裏，進行各種活動及結識其他不同玩家，玩落份外有親切感。
玩家可以扮演3種不同角色，第一種係考入學堂成為「警察」；二係自甘墮落做「古惑仔」；三係平平凡凡當個「市民」，買洋樓養番狗。遊戲最終目的就是要利用人物特性，盡力開拓自己的勢力範圍，統一全港黑幫分子。筆者最喜歡的，還是遊戲中設有排名榜功能，並定期更新及列出最富有、犯罪最多、緝捕犯人最多、勢力範圍最多等名單，唔知喺呢個虛擬香港裏面，首富會唔會又係咁啱姓李呢？
考眼力！你認唔認到呢啲古惑仔蒲點？
《古惑仔Online》另一個矚目之處，就係遊戲場景竟然不惜工本，首創使用香港實景地圖，大家唔好以為係好似《地圖王》嗰隻平面圖，佢係將香港、九龍真實地貌，以3D高質素畫面表現，甚麼信和中心、先達廣場及好景商場等香港LandMark，你都可以在遊戲中看到它們被3D化後的重新演繹，真係破晒香港遊戲史嘅紀錄。
考眼力！你認唔認到呢啲古惑仔蒲點？
警察的最大好處是定期有薪金，可裝備警棍及警槍兩種武器，亦可以免費乘搭任何交通工具。當捉到一定數量的犯人及進行一定的任務後，便可考升級試，提升職級後薪金會增加，亦有機會得到其他優惠。
古惑仔玩家只要達到指定的條件，就可以建立自己的集團，藉着擊倒各勢力範圍的守衞爭奪地盤，從而取得收入。遊戲初期共有五個集團供玩家加入，當古惑仔的功績達到一定程度後便能提升職級。如果加入了由玩家建立的集團，只能由指定職級的古惑仔玩家升降職級。
市民是唯一可以開設公司及發行股票的角色，所以主要是以賺錢為目標，然後用銀權開拓勢力。市民另一個優勝之處，係可以使用任何武器及裝備，限制較警察為少。稱號方面，還有向善或向惡之分，這取決於玩家所做的任務類型。
《古惑仔Online》
執行平台：Windows98/2000/Me/XP
處理器：PII500MHz
記憶體：128MB以上
硬碟空間：4.5GB
香港代理：興勝有限公司
發售日期：今日
遊戲客戶服務熱線：23147118
發行銷售熱線：29025913
執行平台：Windows98/2000/Me/XP
處理器：PII500MHz
記憶體：128MB以上
硬碟空間：4.5GB
香港代理：興勝有限公司
發售日期：今日
遊戲客戶服務熱線：23147118
發行銷售熱線：29025913