立法會嘅食物安全及環境衞生事務委員會噚日開會，討論政府建議規管私房菜館嘅問題。輪到麥國風議員發問時，佢就話自己從來未幫襯過私房菜，但就覺得呢個名唔係咁好，認為應該正其名，因為私房菜呢個名令人產生遐想，唔係好正經咁。即刻引嚟與會議員哄堂大笑，而笑聲最響亮嘅就係代表飲食界嘅張宇人議員。
出席會議嘅食環署官員就話，呢個名係約定俗成，唔係佢哋改嘅。麥國風隨即話，咁食環署可以搞個改名比賽嚟取代私房菜呢個名囉。
點知勞永樂議員立即一本正經地咁話，唔叫私房菜，可以叫住家食肆或住宅食肆，咁咪唔會令人引起遐想囉，唔少議員聽到都發出會心微笑。
傳真︰2623-9278
電郵︰