關秀媚昨日凌晨與一名男子在跑馬地發生交通意外，在事件中她涉嫌提供虛假資料，須以一千元保釋，其前度緋聞男友方中信昨日表示自謝霆鋒的頂包案發生後，藝人應引以為戒。
關秀媚昨日凌晨在跑馬地發生交通意外，更涉嫌提供虛假資料被帶返警署調查，後以一千元保釋。
方中信曾與關秀媚傳過緋聞，他對關秀媚的事件感到愕然說：「唔係嘛！發生完霆鋒單嘢，應該引以為戒，但我唔清楚件事，唔方便評論，扣分係好小事，唔使搞到咁嚴重。」
而關秀媚前度男友錢嘉樂，昨日在電話中說：「我唔係當事人，又唔清楚件事，真係唔方便亂講，免得影響人。」
關秀媚好友江欣燕昨日在尖沙嘴出席活動時，說：「我都唔知佢撞車，等陣我會打畀佢了解吓。其實交通意外好易發生，唔好搞到咁複雜，以後如果警察抄牌，我都唔知好唔好求情，因為我驚俾人告妨礙司法公正，𠵱家吹波仔咁盛行真係要小心，因為可能食咗兩件醉雞都會超標。」
此外，關秀媚、王敏德、余文樂和EO2主演的《飛虎雄師》安排在下月六日上映，該片現仍在拍攝中，雖然女主角關秀媚惹上官非，但對《飛》片應不會造成影響。
該片導演霍耀良昨日接受電話訪問時說：「關秀媚嘅戲份已經拍晒，所以佢就算惹上官非，基本上對部戲嘅拍攝唔會有影響。聽到佢發生呢啲事，真係嚇一跳，不過我又唔清楚內情，唔方便評論。」
《飛》片是一部男角為主的電影，所以關秀媚在片中雖是女主角，但戲份不多，且全部以文戲為主，片中她飾演一位女督察，與戲中飾演飛虎隊教官的王敏德相戀。
採訪：陳月媚、戴彩煥