八方有位喺歐洲出差嘅同事，一直想搵啲英國政壇元老做訪問，但呢幾日都聯絡唔到。點知前晚佢跟住民主黨主席馬丁同涂謹申幾個人去見英國外相施仲宏途中，行到連接大笨鐘同西敏寺嘅St.Margaret'sSt，竟然同英國前外相韓達德相遇。他鄉遇故人，馬丁好開心，同韓達德企喺街頭寒暄一番。
點知，約三個鐘頭之後，八方嘅同事同阿涂喺同一條街、幾乎同一位置，又碰到另一位更熟識嘅人物──前港督衛奕信，真係講都冇人信。
滿頭銀髮嘅衛督雖然離開香港多年，但原來對香港情況重相當了解，八方嘅同事梗係唔執輸，即刻同衛督做番個訪問，但佢話：「我已不在其位。」唔肯接受訪問，不過佢都留低一句話勉勵港人：「HongKongpeoplearegreat!（香港人了不起！）」
傳真︰2623-9278
電郵︰