將於12月7日至12日舉行嘅「國際電信聯盟2002亞洲電信展」，可稱得上係亞太區最大型嘅國際電訊活動，而香港更經已係第二次成為亞洲電信展嘅主辦城市，可見香港喺亞太區嘅地位係幾咁重要呢！而據亞Mark最近打聽得知，積架香港代理將會為大會提供46部新車，用作接載賓客往返各活動嘅舉行場地；呢隊曾用作接載貴賓嘅車隊，響會後將會以特惠價發售，其中Sovereign會以超值價$598,000發售，比原來$768,000嘅新車價平出一截之餘咪數又少，最緊要係一班商賈富豪曾經坐過，可謂「貴氣」十足㗎！有興趣嘅朋友，就不妨落Showroom查詢一下喇！唔係手快有手慢無㗎！