許志安在紅館舉行六場個唱前晚結束，女友鄭秀文並無現身，但安仔坦言對方有致電鼓勵。在演唱會上安仔重溫他去年的廚房宣言及鄭秀文痛哭片段，之後演唱《愛你》一曲時，竟忍不住哽咽失聲至無法唱下去。
許志安一連六場在紅館舉行的「許志安OnShow2002演唱會」，前晚圓滿結束。歌迷如常大叫他女友鄭秀文（Sammi）名字，安仔說：「Sammiout咗啦，要叫就叫秀秀或者文文。」不過當歌迷叫「秀秀」及「文文」時，安仔卻大呼：「唔好再叫呀。」更有歌迷直指Sammi是安仔老婆。
安仔前晚在台上重溫他去年領取「勁歌最受歡迎男歌手獎」、鄭秀文在台下痛哭的片段後，唱《愛你》一曲時忍不住眼濕濕，後來更哽咽至不能繼續唱。安仔情緒穩定後說：「好多謝大家，我十幾年前咁樣衰，但你哋十幾年嚟都冇離棄我。」
可惜安仔與Sammi感情撲朔迷離，去年安仔開個唱，Sammi上台與他合唱，但今年Sammi卻不見影蹤。安仔在慶功宴上說：「咁先顯得佢特別，佢都有打電話，鼓勵說話實有嘅。唔好只話佢一個，陳奕迅都冇嚟啦。我同佢識咗咁多年，你估我叫佢，佢會唔會唔嚟呀？」
問安仔私底下是否稱呼Sammi為秀秀及文文，他說：「我平時叫佢喂。」至於有歌迷指Sammi是他老婆，安仔緊張地說：「唔好亂咁講，好驚呀，我未有呢個打算，搵多幾年錢先啦，許志安一定有結婚嘅一日。」
前晚安仔請來黎明和鄧健泓任嘉賓，安哥時安仔與黎明一同出場，安仔還以「金馬影帝」介紹黎明，全場觀眾兩度拍手為他贈興。而安仔與觀眾握手的環節頗為混亂，熱情歌迷更將其西裝手袖扯斷，安仔又發現戴着的三條手鏈，有一條不翼而飛，有歌迷索吻時，安仔更與對方嘴對嘴呢。
採訪：駱華齡 攝影：陳偉權