譚詠麟與李克勤昨日同到港台，為好友陳百祥主持的《開心日報》任嘉賓主持，當談及現今樂壇時，阿倫大肆批評現今當紅歌手，包括張學友揀錯歌、陳奕迅要稍作收斂、李克勤輕佻及許志安失禮等。
阿倫說：「陳奕迅嘅歌比較另類，唱功唔錯，有自己個人風格，但做一個歌手要有好多嘢配合，好似行為，佢應該收斂啲，畀人覺得神神怪怪就唔好。」
除陳奕迅之外，阿倫昨日連拍檔李克勤都不放過，他說：「克勤都係呀，唔好咁輕佻呀，唔好畀人覺得鬆毛鬆翼咁。但我覺得克勤由頭到尾都好勤力，不過就爭一啲嘢，就係歌路要擴闊啲。」說到許志安，阿倫則認為他的唱片公司可能有一些人士調動的關係，今年的成績亦比較差。